Fréttir

Horn selur í Eyri Invest

Horn hefur selt 13,75% hlut í Eyri Invest ehf. til Landsbankans. Söluverðið er jafnt bófærðu virði Eyris þann 30. september 2011 og hefur því engin rekstraráhrif á Horn eða afkomu Landsbankans. Eftir þessi viðskipti á Horn 13,75% hlut í Eyri Invest ehf.

Fyrirhuguð er skráning Horns á markað á næstu vikum. Undirbúningur að skráningu er langt kominn og hluti hennar felst í tilfærslum á eigum Horns til Landsbankans til að tryggja gott jafnvægi í eignum félagsins. Meðal þeirra eigna sem seldar hafa verið til Landsbankans að undanförnu eru 29,6% hlutur í fasteignafélaginu Reitum hf. og 13,75% hlutur Eyrir Invest ehf. sem báðar voru seldar til Landsbankans á bókfærðu virði Horns eins og það var þann 30. september síðastliðinn. Þessar tilfærslur hafa engin áhrif á afkomu Horns eða Landsbankans. Horn seldi auk þess 3,8% hlut í Össuri hf. til Landsbankans á markaðsverði en einnig hefur Horn keypt eigin hluti að andvirði 9 ma.kr. af Landsbankanum.

Sjá helstu eignir Horns