Fréttir
06.01.2012 10:47Promens hefur lokið endurfjármögnun
Promens gekk nú í desember frá endurfjármögnun samstæðunnar að upphæð 170 milljónir Evra (isk. 27 milljarðar). Um er að ræða fjölmyntalán til 5 ára í samstarfi við aðal viðskiptabanka Promens, DnB NOR og NORDEA.
Samhliða þessu var gengið frá endurfjármögnun á láni hjá Landsbankanum, sem er viðskiptabanki Promens á Íslandi að upphæð 6 milljónir Evra (uþb. isk 1 milljarður) til 5 ára.
“Góður árangur hefur náðst í að styrkja rekstrargrundvöll Promens á árinu sem er að líða” segir Jakob Sigurðsson forstjóri Promens. “Mikill viðsnúningur hefur orðið á rekstrinum frá samdráttarárinu 2009 og útlit er fyrir góða rekstrarafkomu á árinu 2011. Þessi fjármögnunarsamningur við helstu viðskiptabanka Promens, ásamt kaupum Framtakssjóðs Íslands á 49,5 prósent hlut í félaginu í September, endurspegla traust þessara aðila á fyrirtækinu og sýna glöggt þær væntingar sem fjármálastofnanir og fjárfestar hafa til félagsins. Við munum leggja okkur fram við að standa undir þeim væntingum. Þessir samningur eru sérstaklega ánægjulegir og mikilvægir í ljósi þess umróts sem nú ríkir fjármagnsmörkuðum” segir Jakob.
Fréttasafn
- 06.01.2012Promens hefur lokið endurfjármögnun
- 30.12.2011Fjölgun hluthafa Eyris Invest ehf.
- 30.12.2011Eyrir Invest tryggir fjármögnun til lengri tíma
- 18.11.2011Breytingar gerðar á stjórn Horns
- 17.11.2011Horn selur í Eyri Invest
- 26.10.2011Kaup á hlutum í Stoðum hf. og sala á hlutum í Reitum hf.
- 14.10.2011Afkoma Horns á þriðja ársfjórðungi 2011
- 26.09.2011Gengið frá kaupum Framtakssjóðs Íslands á 49,5% hlut í Promens hf.